ابوذيات مسلفنه؟؟؟

السلام عليكم انشاء الله بصحه وسلامه اليوم جايبلكم ابوذيات انشاء الله تنال اعجابكم:

اكتب شما ردت تكتب وردلك
ازعل وابتعد وامشي واردلك
بساتين بوسط كلبي وورد لك
شماتبتعد تضل غالي عليه

اناالابيض الك كلبي وصافي
وقليل من البشر تحمل اوصافي
يزعلون علي عمداً واصافي
واظل وياك مهما يصير بيه

هبة ربي وهديته وانت منـــه
صرت شريان گلبي وانت منه
خل احنه نتأمل وانتمنــــــــه
نعيش احنه العمر كله سويه..

وردكم حلو والميت وردنــــه
ولا مرسال من عدكم وردنه
اذا تحسب رسايلنه وردنـــه
صار العدد فوگ الــــ 700 ..

نص محترك من هجرك ون طاف
ونص غرك بدلالك ونص طاف
ياريت المدرسه ترجع ونصطف
وابدلك بالعلم واخذلك تحيه

جروحك للشمس يا كلب شرهن
وليال الضيم ما ينحمل شرهن
رهنتلك عمري وبعد شرهن
اذا حتى العمر ما ضل اليه

اضل انشد عليك يا غالي وانته سالم
والذهب مغشوش كله وانته سالم
كلي شوكت نتلاكه وانتسالم
واذكرك بيا منه الجانت هنيه

الكلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليه

ماردت الحزن بس غصب جالي
ومن فركاك صدك عندي جالي
اضل اسقل بدربك واضل جالي
لجيتك من ترد يسمر عليه

ابتعدنا السبب مني اوف منك
واظن هيهات اشوفن اوف منك
تسليني وكلك اوف منك
هسه الاوف منك سلوه اليه

سواجي الدمع فوك الوجن وانهار
وناري عليك تسعر ليل وانهار
نص ساعة انتلف بجفاك وانهار
شتظن لو طول غيابك علية

........................
روحي سهام هجرك مردنهه
ساعة ابعد اجروحك ساعة ادنهه
تهت ما ميز ايدي من ردنهه
نسيت ارداني وكصيت اديه

**************************
ياظالم لاتهيج الروح خله
عساهه تموت بعد فركاك خله
لزم ايدي الطبيب وصحت خله
المرض بالكلب جا شلك بديه
#############################

تدري شكد الك كلبي ولع ظام
ازغار حروحي يهونك والعظام
اموتن واندفن واعتك والعظام
تجيك زحوف لو صح اليه
@@@@@@@@@@@@@@@@@@@@@@@@@@@@@@@
غرامك فتت المهجة وسلهه
وسهم هجرك مرد روحي وسلهه
انجوم الليل حلفهه وسألهه
حرام النوم من بعدك عليه

لان ماريــــــــد اشوفك يوم حزني
ي ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
---------------------------
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
---------------------------
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
------------------------------
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
---------------------------
لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
-------------------------
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
----------------------------
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
-------------------------
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
-----------------------------
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
----------------------------
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
----------------------
كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه
------------------------------
رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه
------------------------
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
----------------------------
ربك يا ترف من حسنه شهداك
وينهياله اليضــوك بيوم شهداك
يحلــو الطول كل تاس شهداك
بسهم عينك يبو شفايف نديه
--------------------------
اريد الدنيه تصفــه وياي بس يوم
وشوفك يا كحيل العين بس يوم
تنوح امي عليه وصحت بس يوم
الذنب ذنب الدهر قاسي عليه
---------------------------
علي فسر جفن عينك وسلهم
روح بـــــــــروح خلاني وسلهم
دحاجي بلطـف جيرانك وسلهم
شكثر باليوم ينشدكم عليه
--------------------------
حد اسيوف هجرانك و سلهه
وهاك الروح مرمرهـه وسلهه
يمك ناس ناشدهــه وسلهه
بشرع من حللت هجرانك عليه
------------------------------
شبدينه عل النحبه ما يحبنه
مثل سمج طبعـه ما يحبنه
بارد يلتشربـــــه ماي حبنه
وشربت يلكلت مالح شويه
--------------------------
زرع ريان مــــــــــــــــن كلبي ترابه
ومثل طعـــــم العسل يا عالم ترابه
دللته يا خلك الله وعله ذراعي تربه
وجه غيري وخداه من بين اديه
----------------------------
نهرت النفــــــــــس ما تقبل نهاري
دموعي يكتن على خدودي نهاري
اكضي بالحزن بعـــــــــــدج نهاري
وباليالي لا تسئليني شيصير بيه
---------------------------------
شجه للنفس ما جره و مالي
و ملك الموت اشوفنه و مالي
بعـــد ما تنفع اولادي و مالي
بس الجفن حصتي من الدنيه

اشكرك خي العزيز على الموضوع الرائع بروعة صاحبه
تحياتي الك
واتمنى المزيد
***الاداره***

عاشت ايدك
كلش حلوات
اتمنى المزيــــــــــد

شكرا على الردود الجميله
نورتو الموضوع
تحياتي