شوفوا لمن تمطر بالعراق شيصير؟؟؟؟؟؟

هلو شباب

طبعا كلكم (كلكم لو فلفل) تعرف شنو هو المطر
والتعريف العلمي للمطر : وهو ماء متساقط من السماء
والتعريف التحشسيشي للمطر : وهو مي ماندري وين جان ( يعني دايح وين صاحبته غيمه)

وشئ اكيد المطر امثل حاله لكل واحد بالعائله العراقيه واليكم الشرح بالتفصيل

اولا الجد :

طبعا الجد ( او الجدو) اول مايشوفها تمطر الدنيا ايكَول الحمد لله على هاي النعمه واهم شئ انته راضي عني واريدك تستر عليه وعلى عائلتي وعلى احفادي ( يعني بس تمطر اكَد اليتيمه لرب العالمين) وطبعا هو ماعنده شغله وعمله بس يدعي لانه هو اكيد اتلاكَي متقاعد لو عسكري قديم

ثانيا الاب:

اول ماتمطر الدنيا لك شلون حظ اكَشر هستوني غاسل السياره وهسه كلها تدمر طين ويضل 24 ساعه يم الجامه ينتضر المطره تخلص واكو نوع اضل يلطم باجر الدنيا اطيان والكوسترات اتصير النفر ب500 ونوع من هذاله المقاولين لك راح ينهجم بيتي 50 طن اسمنت راحت (..... بشط !!!)

ثالثا الام:

اول ماتشوف الدينا تمطر يااااااا عزه العزاني الهدوم مغسوله وناشرتها بالسطح وهسه كلها ادمرت شلون مصيبه هاي لو اتصيح ابنها ( لك حمووووووودي عزه بعينك حمودي ) لك طبب النعالات والخبز الياس جوه هسه كله اتنكَع

رابعا البنيه 17-23 سنه:

يااااااااا حرامات مسشوره شعري وميشته كله واتلاكَيها لابسه اتونز ماروني على تنوره رصاصيه جرس وحاطه مسكاره (xxl) وحاطه حمره رقم 45 وحاطه ضل رقم 21 سمائي فاتح ولابسه جزمه ( مال اطفائيين) وتتمختر وطبعا اتصير بقمه التعاسه والكأبه لان الشياكه كلها راحت
يعني اهون عليها لو اموت ابوها لو يخطفوه احسن ماتمطر

خامسا20-25 سنه :

اهووووووووووو هاي ثاني مره احط جل ويخرب شعري يعني على حظي اليوم لمن عندي موعد مطرت
وحذائي ابو البوز راح يدمر وبنطروني الكاكي ( ياعيني على الكاكي) اتوسخ وحرامات مغيمه الدنيا ردت البس مناظري الرئاسيه واحط سماعه البلوتوث بس حرامات راحت تخرب من المطر
اووووووووووي شلون حظ محلو

بالله مو كل حجي كلام

اخخخخخخخخخخخخ

يالله خليه غير مره

هههههههههههههه

خالص تحياتي

swat_leader

» تعالوا شوفوا بالجادرية شكووووو.........